Հայկական ուսումնասիրությունների ԱՆԻ կենտրոնի համակարգող, ՍիվիլՆեթի լրագրող Թաթուլ Հակոբյանը 2020 թվականի փետրվարի 2-ին, երեկոյան ժամը 17-ին, Լյուքսեմբուրգում հրապարակային դասախոսությամբ հանդես կգա տեղի հայ համայնքի համար:
Հանդիպման հասցեն՝
Hotel Parc Belle-Vue
5 Avenue Marie-Thérèse, 2132 Luxembourg
Թաթուլ Հակոբյանը իր ելույթում անդրադառնալու է Արցախում 2020 թ․-ի մարտի 31-ին կայանալիք նախագահական և խորհրդարանական ընտրություններին, Ղարաբաղյան հակամարտության կարգավորման հիմնահարցին և այդ կապակցությամբ հայ հանրության մոտ առկա տրամադրություններին, Հայաստանի ներքաղաքական իրավիճակին, 2018-ի Թավշյա հեղափոխությունից հետո տեղի ունեցած փոփոխություններին:
Ելույթից հետո Հակոբյանը կպատասխանի ներկաների հարցերին, իսկ վերջում կներկայացնի իր հեղինակած և ԱՆԻ կենտրոնի կողմից հրատարակած նոր հատորները:
Գրքերի վաճառքից ստացված գումարները կուղղվեն ԱՆԻ կենտրոնի հետագա գործունեությանը: